а) Текстти окуп билип алгыла.

Сулайман тоосу

    Сулайман тоосу – Ош шаарынын так ортосунан орун алган табигый архитектуралык эстелик. Ал – Ош облусунун символу жана 3000 жылдан бери келе жаткан атак-даңкы. Сулайман тоосу адегенде “Кара-Кух” (кооз тоо) деп аталган.

     Кийинчерек тоонун этегине Сулайман пайгамбардын сөөгү коюлгандан кийин “Сулайман тоо”деп аталып калган. Ошондон бери Сулайман тоосу өзгөчө тарыхый-маданий маанидеги ыйык жай катары эсептелет. Азыркыга чейин жер-жерлерден келгендер ата-бабалардын арбагына куран окутушуп, бала көрбөгөн, ооруган жана башка үмүт-тилегин орундатууну каалагандар тоого атайын барышып, сыйынып кетишет.

     Тоодо сыйына турган 30га жакын мазар, күмбөздөр бар. Тоонун боорунда үңкүр-музей жайгашкан. Сулайман тоосунун башына чыкканда шаар алаканга салгандай көрүнөт. Заңгыраган бийик үйлөр, тасмадай кенен жолдор, бак-дарактар, гүлзарлар, фонтандар шаардын көркүн ачат.
 

б) Сөз айкаштарын уккула, эсиңерге сактагыла

тарыхый	– исторический
атак-даңкы	- здесь: слава
сөөгү коюлгандан кийин	– после похорон
ыйык жай	– священное место
куран окутушуп	– читают молитву
бала көрбөгөн	– бездетный
үмүт-тилегин орундатуу	– исполнить желание
сыйынып кетишет	– молятся
тоонун боорунда	– на подножье горы
үңкүр-музей	– музей-пещера
алаканга салгандай	– как на ладони

е) Диалогду окугула, уланткыла

- Сиз Бишкектенсизби?

- Ооба, азыр Бишкекте жашайм.

- Бирок туулуп-өскөн жерим – Ош.

- Ош кандай шаар?

- Ош байыркы шаар.

- Анда кандай жайлар бар?

- Шаардын ортосунда тоо бар.

- Тоо бийикпи?

- Анча бийик эмес, бийиктиги 160 метр.

- Оштун кайсы бөлүгүндө жайгашкан?

- Ал Ош шаарынын түндүк-батышында.

- Тоо кандай аталат?

- Сулайман тоо деп.

- Эмне үчүн?

- Сулайман пайгамбардын урматына. Алыстан караганда пайгамбар жаткандай көрүнөт.

- Дагы эмнелер табылган?

- Бабур-хандын кичине ак үйү.

- Бул жер ошондуктан ыйык жер деп жарыяланган экен да?

- Ооба, кызым, ошон үчүн адамдар сыйынууга келип турушат.