2. УГУП ТҮШҮНҮҮ
а) Сүйлөшүүнү уккула
- Чоң эне, эмне жасап жатасыз?
- Боорсок жасайын деп камыр жууруп жатам.
- Эмне, бизге конок келеби?
- Ооба, кызым кечинде шаардан Аман байкең үй-бүлөсү менен келет экен.
- Ай-ий, абдан жакшы! Чоң эне, мен дагы боорсок бышырууга жардам берейинби?
- Албетте, кызым.
- Чоң эне, кой дагы соёбузбу?
- Ооба, бирок койду алар келгенде бата кылып туруп соёбуз.
- Алар келгенче сойсок болбойбу?
- Жок, кызым. Салт боюнча кой соердо бата тиленет.
- Чоң эне, олобо жасайбызбы?
- Сөзсүз, олобо, быжы жасайбыз.
- Мен олобону абдан жакшы көрөм.
- Кызым, камыр ачыганча сен үй жыйна, мен болсо уй саап келейин.
- Макул, чоң эне, айтканыңыздай болот.
б) Диалогду которгула
в) Диалогдогу бош орундарды толуктагыла.
Чоң эне, эмне жасап жатасыз?
- жасайын деп камыр жууруп жатам.
- Эмне, бизге конок келеби?
- Ооба, кызым кечинде шаардан Аман байкең үй-бүлөсү менен келишет.
- Ай-ий, абдан жакшы! Чоң эне мен дагы боорсок жардам берейинби?
- Албетте, кызым.
- Чоң эне соёбузбу?
- Ооба, бирок койду алар келгенде кылып туруп соёбуз.
- Алар келгенче сойсок болбойбу?
- Жок, кызым. боюнча кой соердо бата тиленет.
- Чоң эне жасайбызбы?
- Сөзсүз, олобо, жасайбыз.
- Мен олобону абдан жакшы көрөм.
- Кызым ачыганча сен үй жыйна, мен болсо уй саап келейин.
- Макул, чоң эне, айтканыңыздай болот.
Колдонулуучу сөздөр: камыр, боорсок, бата, кой, салт, бышырганга, быжы, олобо
г) Диалогдун тексти боюнча суроолорго жооп бергиле
1. Чоң эне эмне жасаганы жатат?
2. Койду качан соёт?
3. Койду эмне үчүн бата кылып соёт?
4. Кызы эмнени жакшы көрөт?