Комуз кантип пайда болгон?

   Илгери-илгери бир доордо Камбаркан деген мергенчи жашаган экен. Камбаркан бүт айылды мергенчилик менен багып туруптур.

   Күндѳрдүн биринде ал аңчылыктан келе жатып, токойдон чыккан мукам үндү угат. «Бул эмне болуп кетти?» - деп үн чыккан жерге барат. Ал жерге барса, эки дарактын башына илинип калган жаныбардын ичегисинен мукам үн чыгып жатыптыр. Ушул окуядан кийин Камбаркан музыкалык аспап жасап, ага койдун ичегисин кургатып, кыл тагып, күү черткен экен. Ошол чертилген күү «Камбаркан» деп аталыптыр. «Күүнүн башы – Камбаркан» деген сѳз мына ошондон калган экен.

и) Сѳздѳрдү эсиңерге тутуп алгыла