ЫРДЫ УГУП, ОКУП ЖАТТАП АЛАЛЫ.

ОБОНУН ҮЙРӨНҮП, ЧОГУУ ЫРДАЙЛЫ.

Акыйнек ыры

Кыз:

Ак көйнөгүм бар дейсиң,

Эмнеге аны кийбейсиң?

Бешинчи класста окуп,

Таблицаны билбейсиң.

Акыя, акыя,

Акый, акый, акыя.

Бала:

Сени болсо көп кыздар,

Уйкучу кыз деп жүрөт.

Уй сааганда үргүлөп,

Сүтүн төгөт деп күлөт.

Акыя, акыя,

Акый, акый, акыя.

Кыз:

Аркы бетте тегирмен,

Берки бетте тегирмен,

Ушул турган Эмирлан

Ашкабакты кемирген.

Акыя, акыя,

Акый, акый, акыя.