1. ОКУП ТҮШҮНҮҮ
а) Сөз айкаштарын эки тилде окуп өздөштүрөбүз
|
түндүк-чыгыш |
северо-восток |
|
түштүк-батыш |
юго-запад |
| чектешет |
граничит |
|
созулат |
тянутся (протяженность) |
| аймактык жактан |
территориально |
| өкүлдөрү |
представители |
| эгемендүү |
суверенный |
| системасына кирет |
входит в систему |
| чоку |
пик |
б)Сөздөрдүн туура котормосун тапкыла
в) Текстти окугула, аңгемелеп бергиле
Кыргызстан
Кыргыз Республикасы Борбордук Азиянын түндүк-чыгыш бөлүгүндө жайгашкан. Кыргыз Республикасы түндүктөн Казакстан, батыштан Өзбекстан, түштүк-батыштан Тажикстан, ал эми түштүк-чыгыштан Кытай Эл Республикасы менен чектешет. Кыргызстан батыштан чыгышка 900 км.ге түштүктөн түндүккө 410 км.ге созулат. Кыргызстанда административдик– аймактык жактан 7 облусу, 21 шаары, 42 району, 29 шаар тибиндеги айылдары бар. Калкынын саны 6 миллиондон ашык.
Кыргызстан – көп улуттуу өлкө. Кыргызстанда 80ден ашык улуттун өкүлдөрү жашайт. Жаңы конституция боюнча – Кыргыз Республикасы эгемендүү, демократиялык мамлекет. Кыргыз Республикасынын борбор шаары – Бишкек. 1878-жылдан 1926-жылга чейин Пишпек деп аталчу. Ал эми 1926-жылдан 1991-жылга чейин Фрунзе, 1991-жылдын февраль айынан баштап, Бишкек деп аталат. 1993-жылдын 10-майында Кыргыз Республикасында өзүнүн улуттук валютасы сом киргизилген.
Климаты континенталдык. Таза сууга бай. Кыргызстандын дарыялары көбүнчө Сыр-Дарыя системасына кирип, сууга бай.
Кыргызстан - тоолуу өлкө. Кыргыз тоолорун «Ала-Тоо» деп аташат. Дүйнөдөгү эң бийик чокулардын бири «Жеңиш» жана «Ленин» чокулары кыргыз тоолорунда жайгашкан.