Кыргызча   Русский





ОКУП ТҮШҮНҮҮ

ӨЗ CӨЗҮБҮЗ МЕНЕН КАЙРА АЙТЫП БЕРГЕНГЕ КӨНҮГӨЛҮ

Дүйнөнүн кооз жеринин бири

       Сары-Челекти дүйнөнүн кооз жери деп аташат. Чындыгында ошондой. Бул жер башка миӊ сандаган кооз жерлердин жарашыгы, сулуулугунан башкача. Чытырман токойдун ортосунда күзгүдөй тунук көлү бар. Арасын аралап кетсеӊ, ар бири  көз кайыткан жаӊгактарга таӊ каласыӊ. Арча-кайыӊдар, карагайларчы! Шилби, ыргай, ак чечек, деги койчу эмнелер гана жок. Кымбат баалуу карагаттар, ар түрдүү өрүктөр, алмалар, мөлтүрөгөн алчалардын түрлөрү эӊ эле көп. Сары-Челек көлүнөн башка анын айланасында Ири-Көл, Кыла-Көл жана башка ондон ашык майда көлдөр бар.

 



Өзүӊдү текшер!







УГУП ТҮШҮНҮҮ

ТЕКСТТИ КУНТ КОЮП УГАЛЫ. ӨЗ СӨЗҮБҮЗ  МЕНЕН АЙТЫП БЕРГЕНГЕ МАШЫГАЛЫ 

ЫСЫК-КӨЛДӨ

    Ысык-Көлдүн узундугу 178 км, туурасынан эң жазы жери 60 км келет. Эң терең жери 668 метр болот. Анда балыктын 22 түрү кезигет. Анын ичинен 12си көлдүн өзүнүкү, калганы башка жактан алып келинген. Көлдөгү балыктар — көк чаар, түрпү, каңылтыр, чабак, форель, карп ж. б.

   Форель балыгы Севан көлүнөн алып келинген. Ал азыр «Ысык-Көл форели» деп аталат. Алардын эң чоңунун салмагы 24 килограммга жетет. Ысык-Көлдөн жылына 13-14 миң тоннага чейин балык кармалат.

   Ысык-Көлгө жаздын келиши эң кызыктуу болот. Көл үстү түркүн сонундарды элестетет. Мында кыштаган ак куулар, кызыл моюн өрдөктөр башка жакка кетишет. Анын ордуна сууда сүзүүчү башка канаттуулар пайда болот.

   Айрыкча каркыралардын канат сермеши кандай кызык­туу. Ал эми көз талдыра канат сермеген көк кытандарчы. Бардык келгин куштардын тобун карап отурса, көп нерселерди байкоого болот. Ошентип, Ысык-Көлгө 16 түрдүү келгин куштар учуп келишет. Уялар салышат, жумурткалашат, балапан чыгарышат.