Кыргызча   Русский



ЖОМОК

«Торгой»

00:00/00:00
Error loading: "/upload/files/%D1%82%D0%BE%D1%80%D0%B3%D0%BE%D0%B9.mp3"

    Учуп келаткан торгойдун топусу эрмендин арасына түшүп кетти. Торгой эрменге карап: «Эрмен, эрмен топумду алып берчи», - деди.  «Сенин топуң эмес, өзүмдүн ордуман козголо албай турам», - деди эрмен. «Анда сени эчкиге айтып жегизем», - деди да, торгой эчкиге келди: «Тетиги жерде көп эрмен бар экен, ошону жесең болбойбу?».

     «Эрменди жемек тургай, улагымды көтөрө албай араң жүрөм», - деди эчки.  «Сени карышкырга айтып, жегизем», - деп торгой учкан бойдон карышкырга барды. «Карышкыр, карышкыр, төмөн жакта бир эчки турат, жесең боло».  «Эчки жемек түгүл, үңкүрүмдү каза албай жатам», - деп жооп берди карышкыр.  «Сени жылкычыга барып айтайын, азыр чаап алсын» - деди да, торгой сызган бойдон жылкычыга жетти.  «Жылкычы, жылкычы, төмөнкү коктуда бир карышкыр үңкүр казып жатат, чаап алсаң боло».  «Карышкыр чапмак түгүл, жоголгон жылкымды  табалбай жүрөм», - деп жылкычы сүйлөдү. «Сени  байга  айтпасамбы», - деди торгой, анан байга келди.  «Бай, бай, жылкычың жылкыларды жоготуп таппай жүрөт, аны урсаң боло».  «Жылкычыны урмак түгүл, казымды көтөрүп басалбай отурам», - деди бай.

    «Сени чычканга айтып, казыңды тештирейин», - деп торгой чычканга келди. «Байдын казысын тешмек түгүл, балдарыма ийин каза албай жатам», - деп чычкан чыйылдады. «Сени тентек балдарга  айтып ийниңе суу куйдурбасамбы» - деп торгой, кекенген бойдон тентектерге айтты: «Ийинисине суу куймак түгүл, балдарга чүкөмдү уттуруп, музоомду кайтара албай жүрөм», - дейт тентек бала. «Сени энеңе айтпасамбы», - деди да, торгой баланын энесине учуп кетти: «Балаң чүкөсүн уттуруп, музоосун карабайт экен, сабасаң боло».  «Аны сабамак тургай, жүн сабай албай жатам», - деди энеси. «Сени куюнга айтып, жүнүңдү  учуртайын» - деди да, торгой куюн­га барып айтты. Куюндун колу жолу бош экен, макул болду. Куюн кокту ылдый келип кемпирдин жүнүн учурду, кемпир баласын урду, баласы чычкандын ий­нине суу куйду, чычкан чыга калып, байдын курсагын тырмады, бай жылкычысын урду, жылкычы карышкырды кууду, карышкыр кара эчкини кууду, эчки эрменди жеп, торгойдун топусун алып берди. Ошондон кийин тор­гой топусун башынан түшүрбөй дайыма баса кийип жүрүүчү болуптур.

ТАБЫШМАКТАР

Ай асманда жүргөн жигит,

Алтын чоор тарткан жигит.

Күн асманда жүргөн жигит,

Күмүш чоор тарткан жигит.

ЖООБУ

00:00/00:00
Error loading: "/upload/files/%D0%90%D0%99%20%D0%90%D0%A1%D0%9C%D0%90%D0%9D%D0%94%D0%90.mp3"

 

Тоодон токум ыргыттым,

Колдон чыкса күркүрөйт,

Ар азуулуу жырткычтар,

Аман калбай калдык деп,

Качып үркөт дүркүрөп.

ЖООБУ

 

00:00/00:00
Error loading: "/upload/files/%D0%A2%D0%9E%D0%9E%D0%94%D0%9E%D0%9D.mp3"

 

Тепмейинче албаган,

Тепкенин албай калбаган.

Канаттуунун учкулу,

Канча жүрсө талбаган.

Ойлоп атын тапкыла,

Бул укмуштуу кандай жан?

ЖООБУ

00:00/00:00
Error loading: "/upload/files/%D0%A2%D0%95%D0%9F%D0%9C%D0%95%D0%99%D0%98%D0%9D%D0%A7%D0%95.mp3"

 

Кыш куйбай, ылай чылабай,

Ичи-тышын шыбабай,

Үй куруп алат кайсы уста,

Балта, керки кармабай?

ЖООБУ

00:00/00:00
Error loading: "/upload/files/%D0%9A%D0%AB%D0%A8.mp3"

 

Уккулуктуу сайраган,

Жаз айында жайлаган.

Кыш болгондо кетет да,

Жазында келет кайрадан.

ЖООБУ

00:00/00:00
Error loading: "/upload/files/%D0%A3%D0%9A%D0%9A%D0%A3%D0%9B%D0%A3%D0%9A%D0%A2%D0%A3%D0%A3.mp3"

 

МАКАЛ-ЛАКАПТАР

Адам ойго тойбойт,

Бөрү койго тойбойт.

Орусча

00:00/00:00
Error loading: "/upload/files/%D0%90%D0%94%D0%90%D0%9C%20%D0%9E%D0%99%D0%93%D0%9E.mp3"

 

Аттын баары тулпар болбойт,

Куштун баары шумкар болбойт.

Орусча

00:00/00:00
Error loading: "/upload/files/%D0%90%D0%A2%D0%A2%D0%AB%D0%9D.mp3"

 

ЖАҢЫЛМАЧТАР

Айлыбызда арал бар,

Ал аралда үч марал бар.

Бири-кара марал

Бири-ала марал,

Бири-бала марал.

00:00/00:00
Error loading: "/upload/files/%D0%90%D0%99%D0%AB%D0%9B%D0%AB%D0%91%D0%AB%D0%97%D0%94%D0%90.mp3"