ЫРДЫ УГУП, ОКУП ЖАТТАП АЛАЛЫ.
ОБОНУН ҮЙРӨНҮП, ЧОГУУ ЫРДАЙЛЫ.
«БӨБӨКТҮН СУРООСУ»
Бөбөктүн суроосу
- Айтып берчи, апаке,
Биз суу алчу өзөндүн
Ар жагында эмне бар?
- Өзөн жээги кызыл жар,
Ар жагында токой бар
- Андан ары эмне бар?
- Чөккөн тоодөй адырлар,
Тоо чокусу аппак кар.
- Ар жагында эмне бар?
Биздикиндей кыштактар,
Андан ары чоӊ шаар.
- Андан арычы?
- Океандар, шаар, кыштактар.
- Ар жагында эмне бар?
- Биз!
- Кантип?
- Анткени жер – тоголок шар.